លោកអ្នកពិតជាធ្លាប់ទទួលដំណឹងញឹកញាប់អំពីឧបទ្ធវហេតុកើតចេញពីទូរស័ព្ធដៃ ។ អ្នកប្រើប្រាស់មួយចំនួនយល់ថាទូរស័ព្ទដែលបង្ករបញ្ហានោះច្រើនជាផលិតផលក្លែងក្លាយ ឬអ្នកខ្លះថាអាចកើតពីបញ្ហាបច្ចេកទេសក្នុងការផលិត… ។ កាលពីថ្ងៃទី ២៦ វិច្ឆិកា ២០១១ កន្លងទៅនេះ Rex Flight បានចុះផ្សាយអំពីការផ្ទុះទូរស័ព្ទដៃ iPhone នៅលើយន្ដហោះរបស់ក្រុមហ៊ុនខ្លួន ។ ក្នុងឧបទ្ទវហេតុនេះមិនមាននរណាទទូលរងគ្រោះទេ ក្រៅពីការបង្ករឲ្យមានភាពជ្រួលច្របល់នៅលើយន្ដហោះ ។
ប្រភព៖
ទំលាក់ មួយវិចារ » | 
វប្បធម៌ខ្មែរ | 
តំណភ្ជាប់អចិន្ត្រៃ
បានចុះផ្សាយដោយ khmerling ភាសាខ្មែរ
បាតុភូតធម្មជាតិតែងកើតមានជារឿយៗទាំងនៅនឹងពិភពផែនដីនិងក្នុងលំហមេឃ ។ នៅប្រទេសអ៊ូសបេគីស្ថាន (Uzbekistan) មានរណ្ដៅមួយដែលអ្នកស្រុកហៅឈ្មោះ មានន័យជាភាសាខ្មែរថា ទ្វារនរក ។ នៅទីនោះមានភ្លើងឆេះសន្ធោសន្ធៅពីក្នុង រណ្ដៅ អស់កាលជាង ៣០ ឆ្នាំមកហើយ ។ អ្នកខ្លះថាចំហេះនេះជាចំហេះឧស្ម័នដែលប្រកប ដោយសារធាតុពុល ។
មតិ 2 | វប្បធម៌ខ្មែរ | តំណភ្ជាប់អចិន្ត្រៃ
បានចុះផ្សាយដោយ khmerling ភាសាខ្មែរ
តើទិដ្ឋភាពក្នុងរូបនេះនៅប្រទេសណា ?
បន្ដិចទៀតស្រុកខ្មែរនឹងមានភ្លើងខ្លួនឯង ។ ទំនប់វារីអគ្គសនីនេះនឹងផ្ដល់ផលអវិជ្ជមាន និងវិជ្ជមានដល់ការរស់នៅរបស់ប្រជាជន ។ ផលទាំងពីរនេះពិតជាកើតព្រមគ្នា ចៀស មិនផុត គ្រាន់តែថា តើមួយណាមានទម្ងន់ធ្ងន់ជាងមួយណាប៉ុណ្ណោះ ។
នៅទីនេះសូមមិនវែកញែកក្នុងរឿងនេះ ដោយសូមលើកយករឿងមួយដែលខ្មែរយើងមួយចំនួនទំនងជាមើលរំលងឬក៏គិតថាជារឿងតូចតាច ។
ជាភ័ព្ទសំណាងដែលភាសាយើងមានអក្សរប្រើប្រាស់ដូចភាសានៃជាតិនានាក្នុងលោក ។ យើងមានអក្សរប្រើជិតពីរសហសវត្សមកហើយ បើផ្អែកតាមសិលាចារឹកខ្មែរដំបូង ។ វិលទៅមើលរូបខាងលើវិញ ខ្ញុំសូមឆ្លើយនឹងសំណួរខាងលើថា ទីនោះជាទឹកដីខ្មែរ គឺជាទំនប់វារអគ្គសនីភ្នំកម្ចាយនាទឹកដីខេត្ដកំពត ។ កូនសំណួរតូចមួយទៀតប្រាកដឡើង ៖ តើម៉េចបានជាស្លាកទាំងនោះសរសេរជាភាសាបរទេសទៅវិញ ? ត្រង់នេះសូមទុកឲ្យប្រិយមិត្ដជួយឆ្លើយផងចុះ ប៉ុន្ដែម្ចាស់ប្លក់សូមបញ្ចេញមតិតូចមួយលើរឿងនេះបន្ដិតថា តាមគំនិតជាតិនិយមរបស់ខ្ញុំក៏ដូចជាជនរួមជាតិមួយភាគធំ អក្សរនៃភាសាជាតិទាំងនោះគួរតែជាគ្រឿងបន្ទាប់បន្សំសរសេរអែបៗនឹងអក្សរភាសាខ្មែររទៅវិញទេ ទើបត្រូវ ។
រឿងទាក់ទង៖
មតិ 17 | វប្បធម៌ខ្មែរ | តំណភ្ជាប់អចិន្ត្រៃ
បានចុះផ្សាយដោយ khmerling ភាសាខ្មែរ
តើមានកុំព្យូទ័រអ្នកណាធ្លាប់ឆ្លងមេរោគ System Fix ទេ ? កុំព្យូទ័រខ្ញុំពេលនេះ មេរោគកំពុងទន្ទ្រានពេញទីហើយ រាល់ទិន្នន័យបាត់អស់គ្មានសល់ទេ ។ មិនដឹងថាវាស៊ី ឬយ៉ាងណាទេ ។ តើមានវិធីទាញយកទិន្នន័យមកវិញទេ ? សូមអរគុណចំពោះជំនួយពីអ្នកទាំងអស់គ្នា ។
អាការៈជំងឺ៖
មេរោគបិទច្រកទាំងអស់ សូម្បីអ៊ិនធឹណេតក៏ចូលមិនដល់ ចូលបានតែវេបផលិតផលរបស់គេ ។ ល្អដែរដែលគេទុក Windows Live Writer ឲ្យ ។
សូមជួយផង!!!
មតិ 12 | វប្បធម៌ខ្មែរ | តំណភ្ជាប់អចិន្ត្រៃ
បានចុះផ្សាយដោយ khmerling ភាសាខ្មែរ
ពិនិត្យជារួមនៅស្រុកយើង អ្វីដែលល្អដែលមានគុណភាពដែលពិភពលោកនេះមាន ខាង យើងឯណេះក៏មានដែរ ។ ប៉ុន្ដែការដែលមាននោះ ភាពពិតជាសំបកច្រើនជាខ្លឹម ។
ពេលនេះសូមច្បិចយករឿងមួយមកចែកជូន ។ បើផ្អែកតាមការផ្សព្វផ្សាយពាណិជ្ជកម្ម របស់ក្រុមហ៊ុនទូរស័ព្ទ ឃើញថាសេវាគ្របដណ្ដប់អ៊ិនធឹណេតនៅស្រុកយើងសព្វថ្ងៃមានរហូតដល់ 3G និង 3.5G ឯណោះ ។ ពោលគឺប្រទេសយើងមាន 3G ប្រើមុនថៃទៅទៀត ។ តើ 3G ហ្នឹងទាក់ទងនឹងរឿងលឿនឬយឺតនៃអ៊ិនធឹណេតនេះដែរឬទេ ?
ពិនិត្យលើការប្រើប្រាស់ជាក់ស្ដែងសេវាអ៊ិនធឹណេតប្រទេសថៃដែលមានត្រឹមកម្រិត EDGE (Enhance Data Rates for Global) មានល្បឿនលឿនជាងអ៊ិនធឹណេតនៅស្រុកយើងច្រើនដង ។ ចំណែកការដាក់ឲ្យប្រើ 3G នៅថៃនៅមិនទាន់ចូលជាធរមាននៅឡើយទេ ។
ពិនិត្យទៅលើផែនទីអំពីសេវាគ្របដណ្ដប់អ៊ិនធឹណេតដែលធ្វើឡើងដោយ American Raomer នៅស្រុកយើងសូម្បីតែកម្រិត EDGE សឹងតែមិនមានមួយតក់ផង តែបើមើលទៅខាងថៃវិញ គេមានពាសពេញប្រទេស ។
បន្ដិចទៀត ពេលដែលពិភពលោកនេះមានសេវាអ៊ិនធឹណេតដល់ទៅ 4G…10G មិនយូរយើងនឹងស្រែកថាមាននឹងគេដែរ ។ យើងនិយាយថាយើងមានប្រព័ន្ធ 3G បានតែក្នុងចំណោមគ្នាយើងទេ តែយើងមិនអាចប្រាប់ញាតិបរទេសថាយើងមាន 3G ព្រោះនាំខ្មាសគេ ។
ទាំងនេះហើយដែលបរទេសតែងតែនិយាយថា ស្រុកខ្មែរស្រួលរកស៊ី !!! ព្រោះយើងមានលទ្ធភាពឲ្យគេជញ្ជក់បាន ។
តើ ICT របស់ប្រទេសយើងស្ថិតកម្រិតណា ?
ខុសឆ្គងយ៉ាងណា សូមមេត្ដាលោកអ្នកដែលមានជំនាញខាងនេះជួយបំភ្លឺតាមការគួរ ព្រោះម្ចាស់អត្ថបទមិនមានជំនាញអ្វីខាងរឿងនេះ ចេះដឹងតាមរយៈការប្រើប្រាស់ជាក់ស្ដែងតែប៉ុណ្ណោះ ។
រឿងពាក់ព័ន្ធ
មតិ 7 | វប្បធម៌ខ្មែរ | តំណភ្ជាប់អចិន្ត្រៃ
បានចុះផ្សាយដោយ khmerling ភាសាខ្មែរ
អ្នកសម្តែង លូ ហ្វេ អាយុ ៥២ឆ្នាំ មកពីខេត្តចៀងស៊ី ប្រទេសចិន បានសម្តែងនូវកម្មវិធីដ៏ព្រឺព្រួចមួយដោយឱ្យពស់២ក្បាលលូនចូលតាមច្រមុះ ហើយវាចេញតាមមាត់។ គាត់ធ្វើបែបនេះម្តងហើយម្តងទៀត ធ្វើឱ្យអ្នកទស្សនាព្រឺរោមស្ទើរបះសក់។
ចំណែកពស់របស់លោក ហ្វេ មួយគូនេះមិនមានពិសទេ ប៉ុន្តែវាមានបញ្ហាមួយគឺជាតិពល់ម្យ៉ាងដែលធ្វើអោយលោកអ្នកអាចផ្តាសាយបាន។
បណ្តាអ្នកទស្សនាមួយចំនួនលាន់មាត់ថា តើគាត់អាចដកដង្ហើមបានទេ? គាត់មានការឈឺចាប់ដែរឬទេ?
ប្រាកដណាស់ពិតជាមាន ព្រោះពស់នីមួយៗ មានប្រវែង៣ហ្វូតលូនចូលទៅក្នុងរន្ធច្រមុះ ពិតជារងនូវការឈឺចាប់ និងពិបាកដកដង្ហើម ៕
ิអត្ថបទ៖ កោះសន្ដិភាព
នេះជាអត្ថបទដែលអ្នកកាសែតកោះសន្ដិភាពប្រែពីសារព័ត៌មានបរទេស ។ ទន្ទឹមនឹងការចែករំលែមាននានាកើតមានក្នុងប្រទេស នេះជាការចែករំលែកចំណេះដឹងនៅក្រៅប្រទេស ។ ខ្មែរលីងចាប់អារម្មណ៍ទៅលើពាក្យដែលជាខ្នាតរង្វាស់ដែលអ្នកបកប្រែបានប្រើក្នុងអត្ថបទនេះ ។ ខ្មែរយើងពិតជាស្គាល់ភ្លាមប្រសិនបើយើងនិយាយឯកតារង្វាស់តាមដែលយើងភាគច្រើនប្រើជាយូរយារមកហើយ នោះគឺអំបូររង្វាស់ប្រវែងត្រកូលម៉ែត្រដែលជាឥទ្ធិពលភាសាបារាំង ឬខ្នាតតឹក ផឹង ដែលជាឥទ្ធិពលចិន ។ កាលបើគេថា ឈើនេះប្រវែងប្រាំតឹក, កន្លះម៉ែត្រ យើងនឹងដឹងដោយអភន្តរញាណថាប្រវែងណា ។ សព្វថ្ងៃលេចចេញរង្វាស់ថ្មីដែលទើបហូរចូលមក ដូចជា ហ្វូត ម៉ៃល៍ ផោន …។
ខ្ញុំដែលមិនទាន់ជ្រោតជ្រាបរង្វាស់ថ្មីនេះ ហាក់ដូចមិនមានអ្វីអស្ចារ្យឬមានអារម្មណ៍អ្វីណានោះទេ កាលបើអានចប់ល្បះដែលថា ៖ “ប្រាកដណាស់ពិតជាមាន ព្រោះពស់នីមួយៗ មានប្រវែង៣ហ្វូតលូនចូលទៅក្នុងរន្ធច្រមុះ ពិតជារងនូវការឈឺចាប់ និងពិបាកដកដង្ហើម” ។ ប្រការនេះអាចផ្ទុយពីបំណងអ្នកបកប្រែ ព្រោះទំនងជាចង់បញ្ជាក់ថាប្រវែងនេះវែងណាស់ ។ ទម្ងន់នៃភាពអស្ចារ្យរបស់អត្ថបទគឺស្ថិតនៅលើប្រវែងរបស់ពស់តែម្ដង ប៉ុន្ដែអ្នកអានដូចខ្ញុំមិនដឹងថា ៣ហ្វូត ហ្នុងប៉ុណ្ណាផង ប្រវែងណាផង ។ ហេតុនេះពេលអានចប់ហើយ ក៏ហីទៅ… ឬគ្រាន់តែឆ្ងល់ថា ៣ ហ្វូត ហ្នឹង។ មានឯកតាប្រវែងមួយដែលដឹងមិនទាន់គ្រប់ជ្រុង (៥០) នោះគឺអ៊ិង ឬ អ៊ិញប៉ុន្តែកំណត់ដឹងបានតែពេលគេប្រើជាមួយអេក្រង់ទូរទស្សន៍ កុំព្យូទ័រ ទូរស័ព្ទដៃ ប៉ុណ្ណឹង ។ មានវីដេអូឯកសារមួយចំនួនបានប្រើស្ទីលរង្វាស់បែបនេះដែរ ៖ ខ្លារត់លឿនណាស់ គឺដល់ទី ៣០ ម៉ៃល… ឆ្លាមនេះមានទម្ងន់ ២០ ផោន … ជាដើម ។
http://www.fpmonline.net/?powerpress_embed=11163-podcast&powerpress_player=default
សូមស្ដាប់អត្ថបទ នាទីទី 14:00
ជាមតិផ្ទាល់ខ្លួន បំណាច់នឹងប្រែហើយ ប្រែឲ្យអស់អ…កុំបាច់ទុកខ្លះអ៊ីចឹងអី ។
មតិ 2 | វប្បធម៌ខ្មែរ | តំណភ្ជាប់អចិន្ត្រៃ
បានចុះផ្សាយដោយ khmerling ភាសាខ្មែរ
ទំលាក់ មួយវិចារ » | វប្បធម៌ខ្មែរ | តំណភ្ជាប់អចិន្ត្រៃ
បានចុះផ្សាយដោយ khmerling ភាសាខ្មែរ
លោកអ្នកដែលធ្លាប់ទៅកំសាន្តនៅមាត់ទន្លេមុខវាំងពិតជាបានស្គាល់ទីសក្ការៈមួយកន្លែងនៅទីនោះ ។ ពីមុនធ្លាប់អានរឿងតំណាលអំពីទីនេះម្ដង ។ មកពេលនេះខ្ញុំនឹកភ្នកពាក្យដែលគេហៅទីនោះ ។ តាមចាំមកថា ព្រះអង្គដងកាល មិនដឹងថាគេសរសេរយ៉ាងម៉េចទេ ។ ពេលពិនិត្យតាមឯកសារនានា និងការចេះចាំផងមានការហៅឈ្មោះទីនោះតាមសំនៀងប្រហាក់ប្រហែលគ្នាដូចខាងក្រោម៖
ទំលាក់ មួយវិចារ » | វប្បធម៌ខ្មែរ | តំណភ្ជាប់អចិន្ត្រៃ
បានចុះផ្សាយដោយ khmerling ភាសាខ្មែរ
រូបថត អាស៊ីសេរី
ក្នុងនាមជាកូនខ្មែរមួយរូប ខ្ញុំមានមោទនភាពជាពន់ពេកដែលជានិច្ចកាល ខ្មែរយើងតែងសាងកេរឈ្មោះល្បីល្បាញសម្រាប់ជាតិខ្លួននៅលើឆាកអន្តរជាតិ ។ នាឆ្នាំនេះ នរវិទូខ្មែរមួយរូបបានទទួលពានរង្វាន់ឆ្នើមហ្វ៊ូគូអូកា (Fukuoka prize) ប្រទេសជប៉ុន នោះគឺបណ្ឌិត អាំង ជូលាន ដែលជាអ្នកស្រាវជ្រាវ និងជាសាស្ត្រាចារ្យផ្នែកសិលាចារឹកបុរាណខ្មែរនៅមហាវិទ្យាល័យបុរាណវិទ្យា ។ អានត… ឬ អត្ថបទទាក់ទង…
ប្រសិនលោកអ្នកមានបំណងបង្កើនចំណេះដឹងបន្ថែមអំពីខ្មែរ សូមចុច ត្រង់នេះ ដើម្បីភ្ជាប់បណ្ដាញសារពត៌មានខ្មែរ ដែលជាគេហទំព័រដឹកនាំដោយបណ្ឌិត អាំង ជូលាន ។
មតិ 2 | វប្បធម៌ខ្មែរ | តំណភ្ជាប់អចិន្ត្រៃ
បានចុះផ្សាយដោយ khmerling ភាសាខ្មែរ
ធ្លាប់តែនិយាយរត់មាត់មកហើយអំពីត្រីមួយប្រភេទ ដែលច្រឡំថាជាឈ្មោះរបស់ខេត្តមួយនៃព្រះរាជាណាចក្រកម្ពូជា ។ នោះគឺត្រីក្រពត និង ខេត្ដកំពត ។ ក្រែងមានលោកអ្នកខ្មែរទាំងឡាយណាច្រឡំដូចខ្ញុំដែរ ពេលនេះសូមលើកយកមកជម្រះជូន ។ ប៉ុន្តែសម្រាប់លោកអ្នកដែលដឹងហើយក៏ហើយទៅ ។
តាមពិតសំណេរពាក្យត្រីមួយប្រភេទដែលអាចបំប៉ោងខ្លួនបាន ហើយមានធ្មេញពី អាចកាត់ច្រិប…បាន ពេលយើងហែលទឹកបឹងស្ទឹងទន្លេនោះ ឈ្មោះពិតរបស់វា គឺ ក្រពត មិនមែន កំពត ទេ ។ ខ្ញុំខ្លួនឯងពីមុនយល់ថា ការដែលហៅខេត្ដខាងលើថាកំពត ព្រោះខេត្តនោះសំបូរត្រីប្រភេទហ្នឹង ឬ អាចថាមកពីខេត្តនោះ មានរឿងតំណាលអ្វីទាក់ទងនឹងត្រីនោះ ។ ដល់ពេលនេះ ទើបដឹងថា ខុស ។ តែក៏សុំថាមិនទាន់ខុសទាំងស្រុងដែរ ព្រោះក្រែងលោពាក្យ កំពត និង ពាក្យ ក្រពត ជាសន្ដាននឹងគ្នា ឬមានឬសគល់ជាមួយគ្នា ។
សូមទុកភារកិច្ចវែកញែកជាតិសព្ទនៃពាក្យទាំងពីរនេះដល់ប្រិយមិត្ដជួយផ្ដល់យោបល់បន្ថែមសិនទៅចុះ ។ វត្ថុបំណងនៅទីនេះ គឺ ត្រីក្រពត មិនមែន ត្រីកំពត ទេ ។ បើថា ត្រីកំពត គឺត្រីដែលយកពីខេត្ដកំពត ឬត្រីរបស់ខេត្ដកំពត… ។ ក្នុងនោះមានផលិតផលទឹកត្រីមួយឈ្មោះ ទឹកត្រីកំពត ប្រហែលមិនមែនជាទឹកត្រីធ្វើពីត្រីក្រពតទេមើលទៅ ។
អរគុណមួយចំណែកដល់៖ កោះសន្ដិភាព
មតិ 10 | វប្បធម៌ខ្មែរ | តំណភ្ជាប់អចិន្ត្រៃ
បានចុះផ្សាយដោយ khmerling ភាសាខ្មែរ
