រង្វាស់ប្រវែងថ្មី

អ្នក​សម្តែង លូ ហ្វេ អាយុ ៥២ឆ្នាំ មក​ពី​ខេត្ត​ចៀងស៊ី ប្រទេស​ចិន បាន​សម្តែង​នូវ​កម្ម​វិធី​ដ៏​ព្រឺ​ព្រួច​មួយ​ដោយ​ឱ្យ​ពស់​២ក្បាល​លូន​ចូល​តាម​ច្រមុះ ហើយ​វា​ចេញ​តាម​មាត់។ គាត់​ធ្វើ​បែប​នេះ​ម្តង​ហើយ​ម្តង​ទៀត ធ្វើ​ឱ្យ​អ្នក​ទស្សនា​ព្រឺ​រោម​ស្ទើរ​បះសក់។
ចំណែក​ពស់​របស់​លោក ហ្វេ មួយ​គូ​នេះ​មិន​មាន​ពិស​ទេ ប៉ុន្តែ​វា​មាន​បញ្ហាមួយ​គឺ​ជាតិ​ពល់​ម្យ៉ាង​ដែល​ធ្វើ​អោយ​លោក​អ្នក​អាច​ផ្តាសាយ​បាន។
បណ្តាអ្នក​ទស្សនា​មួយ​ចំនួន​លាន់​មាត់​ថា តើ​គាត់​អាច​ដក​ដង្ហើម​បានទេ? គាត់​មាន​ការ​ឈឺ​ចាប់​ដែរឬ​ទេ?
ប្រាកដ​ណាស់​ពិត​ជា​មាន ព្រោះ​ពស់​នីមួយ​ៗ មាន​ប្រវែង៣ហ្វូតលូន​ចូល​ទៅ​ក្នុង​រន្ធ​ច្រមុះ​ ពិត​ជា​រង​នូវ​ការ​ឈឺ​ចាប់ និងពិបាកដកដង្ហើម ៕

ิអត្ថបទ៖ កោះសន្ដិភាព

នេះជាអត្ថបទដែលអ្នកកាសែតកោះសន្ដិភាពប្រែពីសារព័ត៌មានបរទេស ។ ទន្ទឹមនឹងការ​ចែករំលែមាននានាកើតមានក្នុងប្រទេស នេះជាការចែករំលែកចំណេះដឹងនៅក្រៅ​ប្រទេស ។ ខ្មែរលីងចាប់អារម្មណ៍ទៅលើពាក្យដែលជាខ្នាតរង្វាស់ដែលអ្នកបកប្រែបាន​ប្រើក្នុងអត្ថបទនេះ ។ ខ្មែរយើងពិតជាស្គាល់ភ្លាមប្រសិនបើយើងនិយាយឯកតា​រង្វាស់​តាមដែលយើងភាគច្រើនប្រើជាយូរយារមកហើយ នោះគឺអំបូររង្វាស់ប្រវែងត្រកូលម៉ែត្រ​ដែលជាឥទ្ធិពលភាសាបារាំង ឬខ្នាតតឹក ផឹង ដែលជាឥទ្ធិពលចិន ។ កាលបើគេថា ឈើនេះប្រវែងប្រាំតឹក, កន្លះម៉ែត្រ យើងនឹងដឹងដោយអភន្តរញាណថាប្រវែងណា ។ សព្វថ្ងៃលេចចេញរង្វាស់ថ្មីដែលទើបហូរចូលមក ដូចជា ហ្វូត ម៉ៃល៍ ផោន …។

ខ្ញុំដែលមិនទាន់ជ្រោតជ្រាបរង្វាស់ថ្មីនេះ ហាក់ដូចមិនមានអ្វីអស្ចារ្យឬមាន​អារម្មណ៍​អ្វីណានោះទេ កាលបើអានចប់ល្បះដែលថា ៖ “ប្រាកដ​ណាស់​ពិត​ជា​មាន ព្រោះ​ពស់​នីមួយ​ៗ មាន​ប្រវែង៣ហ្វូតលូន​ចូល​ទៅ​ក្នុង​រន្ធ​ច្រមុះ​ ពិត​ជា​រង​នូវ​ការ​ឈឺ​ចាប់ និង​ពិបាកដកដង្ហើម” ។ ប្រការនេះអាចផ្ទុយពីបំណងអ្នកបកប្រែ ព្រោះទំនងជាចង់បញ្ជាក់ថា​ប្រវែងនេះវែងណាស់ ។ ទម្ងន់នៃភាពអស្ចារ្យរបស់អត្ថបទគឺស្ថិតនៅលើ​ប្រវែងរបស់​ពស់តែម្ដង ប៉ុន្ដែអ្នកអានដូចខ្ញុំមិនដឹងថា ៣​ហ្វូត ហ្នុងប៉ុណ្ណាផង ប្រវែងណាផង ។ ហេតុ​នេះពេលអានចប់ហើយ ក៏ហីទៅ… ឬគ្រាន់តែឆ្ងល់ថា ៣ ហ្វូត ហ្នឹង។​ មាន​ឯកតាប្រវែង​មួយដែលដឹងមិនទាន់គ្រប់ជ្រុង (៥០) នោះគឺអ៊ិង ឬ អ៊ិញ​ប៉ុន្តែកំណត់ដឹងបានតែពេលគេ​ប្រើ​​ជាមួយអេក្រង់ទូរទស្សន៍ កុំព្យូទ័រ ទូរស័ព្ទដៃ ប៉ុណ្ណឹង ។ មានវីដេអូឯកសារមួយចំនួន​បានប្រើស្ទីលរង្វាស់បែបនេះដែរ ៖ ខ្លារត់លឿនណាស់ គឺដល់ទី ៣០ ម៉ៃល… ឆ្លាមនេះមានទម្ងន់ ២០ ផោន … ជាដើម ។

http://www.fpmonline.net/?powerpress_embed=11163-podcast&powerpress_player=default

សូមស្ដាប់អត្ថបទ នាទីទី 14:00​

ជាមតិផ្ទាល់ខ្លួន បំណាច់នឹងប្រែហើយ ប្រែឲ្យអស់អ…កុំបាច់ទុកខ្លះអ៊ីចឹងអី ។

2 Responses to រង្វាស់ប្រវែងថ្មី

  1. somada និយាយថា ៖

    ប្រែឲ្យអស់យ៉ាងម៉េចនឹងកើតខ្មែរលីង ព្រោះ​គាត់ទុកចាំ​ប្រែ១ដងទៀត ។ និយាយលេងទេ អារឿងរង្វាស់អីនេះ ខ្ញុំក៏អត់ដឹងដែរ ពេលខ្លះជួបហើយ​បើកសៀវភៅ​មើលមួយភ្លែត​ក៏ភ្លេចទៅវិញ ព្រោះនៅស្រុក យើង​គេ​អត់ប្រើ​រង្វាស់​បែបនេះ ទើបមិនសូវជាចាំបាន​។

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out / ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out / ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out / ផ្លាស់ប្តូរ )

Google+ photo

អ្នក​កំពុង​បញ្ចេញ​មតិ​ដោយ​ប្រើ​គណនី Google+ របស់​អ្នក​។ Log Out / ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: