បានតែនិយាយ ดีแต่พูด

នៅថ្ងៃទី 6 មិនា ឆ្នាំ2011 ម្សិលមិញ នាយករដ្ឋមន្ត្រីថៃបានទៅថ្លែងបឋកថាពិសេស ដើម្បីអបអរ​ខួប 100 ឆ្នាំទិវាសិទ្ធិនារីអន្តរជាតិ នៅសាកលវិទ្យាល័យ​ធម្មសាស្ត្រ ។ គ្រាដែលកំពុងឡើងថ្ងែង មានស្រ្តីម្នាក់ស្រែកថា “(ឃាតក)បាតដៃប្រឡាក់ឈាម” ។ ​ក្រោយមកមានស្រ្តីពីរនាក់​ទៀត​លើកបដាសរសេរថា “ពូកែតែនិយាយ” (ดีแต่พูด ឌី តែ ភូត) “You are just good at talking” ។

នៅក្នុងភាសាថៃគេប្រើពាក្យបីម៉ាត់ ​(ดี (ឌី) ល្អ, แต่ (ទែ) តែ,  พูด (ភូត) និយាយ = ดีแต่พูด) ក្នុងការរិះគន់ ជេរ អ្នកដែលមិនបានធ្វើអ្វី ឃើញតែនិយាយ ។ ​សំនួននេះ នៅក្នុង​ភាសា​ខ្មែរយើងមានច្រើនបែប ហើយមានន័យជ្រលិះគ្នា៖​ បានតែមាត់, ពូកែតែ​មាត់, និយាយពិរោះណាស់, បានតែថា, ឃើញតែថា តែមិនឃើញ​ធ្វើ, បានតែនិយាយ…។​

ប្រភព៖ Breaking News, The nation